Gwrthsemitiaeth Sofietaidd
Roedd yr Undeb Sofietaidd, a elwir yn swyddogol yn Undeb y Gweriniaethau Sosialaidd Sofietaidd (USSR), yn wladwriaeth sosialaidd bwerus a fodolai o 1922 i 1991. Hon oedd y wlad fwyaf yn y byd o ran arwynebedd tir , gan orchuddio llawer o Ddwyrain Ewrop a Gogledd Asia, a chwaraeodd ran bwysig mewn gwleidyddiaeth fyd-eang yn ystod yr 20fed ganrif. Joseph Stalin oedd arweinydd yr Undeb Sofietaidd pan grëwyd Gwladwriaeth fodern Israel (ym 1948). Ar y dechrau, cefnogodd Stalin sefydlu’r Wladwriaeth Iddewig. Fodd bynnag, nid oedd yn hoffi cynghrair (partneriaeth) Israel â’r Unol Daleithiau, Ffrainc, a’r DU.
Ychydig cyn iddo farw ym 1953, cyhuddodd Stalin naw meddyg , y rhan fwyaf ohonynt yn Iddewon, o gynllunio i wenwyno a lladd arweinwyr Sofietaidd . Cafodd y meddygon diniwed hyn eu harestio, eu harteithio, eu holi mewn llysoedd cyfrinachol, a’u gorfodi i ‘gyfaddef’ eu troseddau honedig. Credir mai nod yr hyn a ddaeth yn adnabyddus fel ‘Cynllwyn y Meddygon’ oedd creu amheuaeth a chasineb at Iddewon a Seionyddion .
Tua’r un amser, dinistriodd Stalin y Pwyllgor Gwrth-Ffasgaidd Iddewig, gan lofruddio llawer o’i aelodau am fod yn ‘fradwyr’ .
Tynnwyd cyfeiriadau diwylliannol Iddewig o weithiau celf, diswyddwyd gweithwyr Iddewig o’u swyddi, a gwaharddwyd Iddewon o rai proffesiynau .
Disgrifiodd arweinyddiaeth Sofietaidd eu hymgyrchoedd fel rhai ‘gwrth-Seionistaidd’ yn hytrach na ‘gwrth-Iddewig’ a dywedasant fod Seioniaeth yn fygythiad i Gomiwnyddiaeth a’r Undeb Sofietaidd.
Protocolau Henuriaid Seion
Ar ddiwedd y 1890au, ysgrifennodd heddlu cudd Rwsia ddogfen ffug o’r enw Protocolau Henuriaid Seion . Roedd yn esgus bod yn ddogfen gyfrinachol gan henuriaid (arweinwyr) Iddewig oedd yn rheoli digwyddiadau’r byd . Cafodd ei chyfieithu i lawer o ieithoedd a daeth yn arf propaganda pwerus i grwpiau gwrth-Semitaidd ledled y byd.
Yn y 1920au, hyrwyddodd dau ohebydd o Brydain, a oedd ill dau wedi byw yn Rwsia cyn y rhyfel, y ddogfen hon mewn erthyglau papur newydd yn y DU . Dywedasant fod Iddewon yn ceisio ‘ dinistrio’r hil wen Genhedlig (nad yw’n Iddewig) ‘ , dod yn ‘frenhinoedd dros gaethweision’ a rheoli’r byd.
Cyhoeddodd y gwneuthurwr ceir Americanaidd, Henry Ford, y ddogfen yn yr Unol Daleithiau .
Yn anffodus mae’r ddogfen ffug hon yn parhau i gael ei chylchredeg heddiw ac yn dal i ddylanwadu ar eithafwyr a gwrthsemitiaid ym mhobman. Mae llawer o’r ymosodiadau gwaethaf yn erbyn Iddewon wedi cael eu cyflawni gan bobl sy’n credu bod y ddogfen ffug gwrthsemitaidd hon yn real .
