Erledigaeth yn Lloegr yr Oesoedd Canol
Trethiant Trwm
Nid oedd pethau bob amser yn gyfforddus i Iddewon ym Mhrydain yn yr Oesoedd Canol. Roeddent yn cael eu hystyried fel alltudion , pobl nad oeddent yn Gristnogion mewn teyrnas Gristnogol. Dim ond gwaethygu a wnaeth y sefyllfa. Dros amser, dechreuodd y syniad bod Iddewon yn perthyn i’r brenin fel ei eiddo gael ei dderbyn yn Lloegr. Roedd hyn yn golygu eu bod o dan ei amddiffyniad, ond hefyd yn ddarostyngedig i’w hwyliau a’i ofynion.
Roedd y brenin yn gweld yr Iddewon yn Lloegr fel ffynhonnell arian y gallai ei defnyddio pryd bynnag y dymunai, trwy drethi arbennig neu drwy fynnu benthyciadau . I dalu am ryfeloedd yn y 13eg ganrif, cafodd y gymuned Iddewig ei threthu’n gynyddol drymach o’i gymharu â phobl nad oeddent yn Iddewon. Yn wyneb y gwahaniaethu hwn, dechreuodd llawer o Iddewon adael y wlad .
Brenin Edward a'r Gorchymyn Alltudio
Daeth diwedd y cyfnod hwn o fywyd Iddewig yn Lloegr ym 1290 , gyda’r Gorchymyn Alltudio . Gorchmynnodd Edward I i bob Iddew adael Lloegr yn gyfnewid am gytundeb y Senedd i’r dreth sengl fwyaf yn yr Oesoedd Canol.
Enllib Gwaed a Chyflafanau
Ym 1144, cyhuddwyd Iddewon Norwich o lofruddio plant Cristnogol. Yn ddiweddarach, datblygodd cyhuddiadau tebyg i honiadau bod Iddewon wedi defnyddio eu gwaed i wneud matzahFlat (unleavened) bread eaten on Passover, made of just flour and water. ar gyfer gŵyl y Pasg. Lledaenodd y celwydd hwn, a elwir bellach yn ‘ Enllib Gwaed’ , ledled Lloegr, a chyhuddwyd mwy o gymunedau Iddewig ar gam o’r drosedd .
Tyfodd casineb at Iddewon, ac ym 1190 digwyddodd un o gyflafanau gwrth-Semitaidd gwaethaf Ewrop yn yr Oesoedd Canol yn Efrog . Cafodd cymuned Iddewig gyfan y ddinas ei dal gan dorf ddig y tu mewn i dŵr Castell Efrog .
Dewisodd llawer o aelodau’r gymuned gyflawni hunanladdiad yn hytrach na chael eu llofruddio neu eu bedyddio dan orfod gan yr ymosodwyr. Dim ond un o gyfres o laddfeydd Iddewon yn Lloegr ddiwedd y 12fed ganrif oedd hwn.
